Author: Ramesh

తిలక్ గారిలా కవితామృతం కురిపించాలనుంటుంది, కురిపించగలనా? అబ్బే కష్టమే. ఠాగూర్ గారిలా పడవలో ప్రయాణిస్తూ ఉత్తరాలు వ్రాయాలని ఉంటుంది, వ్రాయగలనా? అబ్బే కుదరదు. విశ్వనాథ గారిలా వేయి పడగలు విప్పాలనిపిస్తుంది, విప్పగలనా? అబ్బే శక్తి చాలదు. శంకరమంచి గారిలా అమరావతి కథల శిల్పాలు చెక్కాలని ఉంటుంది, చెక్కగలనా? అబ్బే ఆ ఊసు లేదు. సిరివెన్నెల గారిలా పాటల సిరిజల్లులు కురిపించాలనిపిస్తుంది,  కురిపించగలనా? అబ్బే ఆ ఆలోచనలే రాదు. కాళిదాసులా దేవి అనుగ్రహం పోందాలని ఉంటుంది. పొందగలనా? అబ్బే కలలో కూడా సాధ్యం కాదు. వాగ్దేవీ,  విద్యాదేవి,  వరించు తల్లీ!  కనికరించి  నీ కరుణ నా పై కురిపించు తల్లీ!  ఓ చల్లని తల్లి,  తేట తెల్లని తల్లి! కౌండిన్య – 25/01/2023

అల అప్పారావు ఆవరణలో అరటి చెట్టుకి మొలిచింది ఓ గెల వాటిని కోయకుండా ఒకణ్ణి పెట్టాడు కాపల పాపారావు అనే అతను ఉంటాడు  అప్పారావు ఇంటి అవతల అతనికి ఎప్పటినుండో  వాటిని కోసుకొని తినాలని ఓ పాపిష్టి కల అవి పచ్చిగా ఉండటంతో  వేచి ఉన్నాడు ఓ నెల పైగా కాపరి కాపలా ఉన్నాడెలా అంటూ  కొట్టుకుంది అతని మనసు గిల గిల ఆలోచించి కొన్ని రోజులు  బాదుకున్నాడు తన తల చివరికి పన్నాడు ఓ వల…

నిన్నొక రామ తీర్థం, రేపొక శివ క్షేత్రం, అడుగడుగున అగుపిస్తున్న దీన హీన దృశ్యం, పదేపదే ప్రతిబింబిస్తున్న పైశాచిక ద్వేషం. మిత్రమా! భారతదేశ చరిత్రకేదో శాపం ఉంది, చిత్రమో, విచిత్రమో మన సమాజంలో ఎనలేని లోపం ఉంది, కనిపించని ప్రభావానికి లొంగుతున్న నికృష్ట దోషం కూడా ఉంది. నీతిని వదిలేసిన రాజనీతి, జాతి సంస్కృతిని వెలివేసిన నవత రీతి. గ్రహించడం లేదు పాపం వీళ్ళు, కట్టడాలు కూల్చినా, విగ్రహాల తలలు త్రెంచినా,  ఏమీ పట్టనట్లు నిద్రిస్తున్న వారిని…